BITÁCORA - Cooperativa SomosTerra

Aniversario da horta colaborativa de Nigrán

Esta semana tivemos a gran sorte de poder celebrar o primeiro aniversario da horta de colaborativa de Nigrán, xunto con todas as persoas voluntarias!

Familias e veciños, cós que nos xuntamos todos os mércores ás 17h para plantar, colleitar, coidar o compost, facer remedios naturais contra pragas, aprender a rexenerar o solo mediante asociacións e rotacións dos cultivos…e falar…falar moito e contarnos cousas…coñecernos e desfrutar xuntas do traballo en compañía.

Para este día tan especial , quixemos facer unha actividade diferente, usando os recursos que temos no parque de Vázquez Grela. Así que decidimos facer tinturas con flores e noces da nosa contorna.

Primeiro recollimos as noces , e quitámoslle a pel negra (cando están secas é negra , se non é verde) e as puxemos a cocer en auga 20 minutos ata obter a nogalina, un tinguidura marrón escuro bastante concentrado. Tamén collimos flores de buganvilla e espinacas da horta para facer as cores rosa e verde.

Foi moi divertido, triturar flores e follas de espinaca para extraerlles a súa cor, pequenos e maiores pasámolo en grande triturando co picador de cebola.

Unha vez picada a materia prima, obtemos as cores botando unha pouquiña de auga quente. E escorregando ben.

Xa estamos listas para as nosas obras de Arte!!
Entre o grupo de voluntar@s da horta atopamos moito talento!

Logo rematamos a xornada desfrutando dos petiscos que nos trouxo o Concello de Nigrán.
Que rico todo!

Foi unha tarde moi bonita, compartindo a nosa ledicia de estar un ano xunt@s. Colaborando para dar a Nigrán espazos verdes, útiles, divertidos…e facer amizades inesquecibles! Para nós, está a ser unha experiencia única, nas que nos sentimos moi queridas e valoradas.

Parabéns, súper labreg@s!
Seguide así!!
A por outro ano máis con vós!

Campamento de Panxón 2023: Outro verán xuntas!

Este Verán, de novo, desfrutamos acompañando á cativada e á rapazada durante as súas vacacións estivais. Xunto Con Teatro de Ar, vivimos grandes aventuras durante os meses de xullo e agosto.

No noso campa sempre vai fresquiño, con tantas árbores e tan pretiño do mar. Nunca pasamos calor e temos moita sombra.

Temos moitísimas cousas que facer!

Coidar da horta:
Este ano o noso cultivo estrela foi a Luffa que medrou un montón, e aprendemos que del poderemos obter semente e estropallos para lavar os pratos dunha forma natural sen usar plásticos! É unha forma preciosa de mostrar a cativada, como podemos reducir residuos cos nosos propios recursos.

Coidamos e colleitamos os cultivos e aprendimos a obter a semente das propias plantas da horta, para poder seguir traballando nela nas diferentes estacións do ano.

Tamén elaboramos xabóns e bolsiñas aromáticas… aiiii que ben arrecendían as nosas mochilas ese días…

Coidar dos animais:

Esta vez, ademais das burriñas Violeta e Paloma, a ovella Laniñas, a cabra Tormenta, as galiñas e as ocas…. Tivemos ó noso coidado coelliños que namoraron a grandes e pequenos. Soltalos polas mañá a primeira hora, darlles auga, comida e cariño e a última hora volver a arrombalos nas súas casiñas foi unha rutina divertida onde tamén coñecimos as habilidades e responsabilidade da cativada.

Actividades de Teatro da man de Teatro Do Ar:

Estas actividades de improvisación, de creación de historias e personaxes, aportaron á cativada, ademais de diversión, unha ferramenta moi útil contra a timidez.

Estes momentos de Teatro tamén crearon moita cohesión no grupo, xa que, ao perder a vergoña, a cativada comezou a sentirse mais cómoda no resto das actividades do campamento.

Ademais sempre nos agasallan con obras e presentacións divertidísimas!

Xogo Libre, Diversión e moitas festas!

Como non pode ser doutra forma, ademais das actividades diarias tamén tivemos moooitooo tempo libre, para xogar, cociñar, patinar, disfrazarnos, celebrar festas cada venres…

A rapazada gustoulle celebrar o remate de cada semana con actuacións, talentos, pintacaras, merendolas…

Visitas

Tamén recibimos moitas vistas das que nos sentimos moi agradecidas:

A protectora de animais Os Biosbardos explicounos en que consisten os seus traballos diarios e presentounos a algún dos seus canciños . Puidemos pasealos polo Campa e darlle moito cariño.

O Centro Juan María, que xa é un mais nas nosas actividades! Encántanos recibilos no campa e xogar tod@s xunt@s!

E tamén os nosos amigos da Asociación ACEESCA de Porriño, que tamén nos agasallaron coa súa visita, e, non só iso! Fixemos xuntos unha merendola!!

E así como vos contamos aconteceu o noso Veraniño…

Estamos moi agradecidas pola confianza das familias, e por poder acompañar un aniño mais a esta cativada tan fermosa.

Temos sorte de que veremos pronto a moitos deles nas escolas de Nigrán e Baiona!

Xogade moito rapazada! Sodes marabillos@s!