O sábado 18 de outubro a partires das 16:15 organizamos xunto ca nosa compañeira Sole unha xornada para crear comunidade. Comezaremos dando a coñecer a toda a cidadanía asistente o voluntariado e diversas maneiras de levalo a cabo, ademais falaremos sobre solidaridade e poderemos escoitar diferentes experiencias de varias entidades da comarca do Val Miñor.

O auditorio de Nigrán abrirá as súas portas ás 16:15 onde o público poderá visitar as diferentes mesas dos proxectos invitados. As 16:30 comezaremos a xornada cunha charla participativa sobre as diferentes modalidades e a importancia de voluntariado. Continuaremos cunha pequena mesa redonda onde varis proxectos da comarca contarán a súa experiencia. 

Máis isto non é todo,  ás 18:00 poderemos disfrutar da presentación do vídeo-conto Lost: unha cura para Mauri, na que poderemos desfrutar dun contacontos a mans de Sole.

Ás 19:30 haberá unha charla formativa sobre oportunidades europeas, facendo fincapé nos programas Erasmus + e o Corpo Europeo da Solidaridade. Con isto pretendemos promover entre a mocidade da comarca o aproveitamento de proxectos de mobilidade, interculturais e de gran valor para as persoas participantes e a súa contorna.