Quero ser voluntario - Cooperativa SomosTerra

Quero ser voluntari@

ESC program: No Eido: permaculture project

If you are between 18 and 30 years old, from a country in the European Union and would like to participate in our ESC volunteer program to create an edible forest, click here.

Voluntariado europeo: CES

Se tes entre 18 e 30 anos, resides preto de Nigrán e queres participar en programas do CES (Corpo Europeo da solidaridade) podemos asesorarte e actuar como entidade de envío para que poidas viaxar por Europa para colaborar en proxectos que cambian o mundo!

Contacta con nós a través do correo electrónico ou do teléfono que aparece abaixo.

Voluntariado local

Estamos organizando un grupo de persoas voluntarias para colaborar en diferentes actividades relacionadas co medio ambiente e a sostibilidade na comarca do Val Miñor. O obxectivo é crear comunidade a través da participación e creación colectiva de actividades para promover a soberanía alimentaria, o desenvolvemento sostible, o consumo responsable e a economía circular.

En todo momento utilizaremos metodoloxías participativas para cocrear as tarefas e obxectivos do grupo.

Se a situación actual do Planeta (tanto social como ambiental) é unha das túas preocupacións e queres facer algo para traballar por un mundo mellor, máis respectuoso coas persoas e o medio, inscríbete neste formulario.

Quedaremos os martes ás 17:00 en Priegue, na finca do noso proxecto No Eido.

Buscamos persoas que queiran colaborar en diferentes actividades:

Mantemento e construción do bosque comestible.
Divulgación de información de interese.
Mantemento, e cultivo dunha horta ecolóxica, onde a colleita será repartida entre as persoas voluntarias.
Posta en marcha actividades para promover hábitos sostibles.
Promoción do consumo responsable e da economía circular.
Creación de novas actividades en favor da sostibilidade.
Participación en proxectos europeos: mobilidades, intercambios, seminarios etc.
Acompañamento das persoas voluntarias europeas que colaboran con SomosTerra (exclusivo mocidade de 18 a 30 anos): na cooperativa contamos con dúas persoas voluntarias europeas que colaboran con nós durante 8 meses. Estes moz@s veñen colaborar dende outros países e culturas, por tanto, precisan dun apoio para poder adaptarse e pasar o seu tempo de lecer.

Faite voluntari@, non importa a idade que teñas e, se tes menos de 30 podes participar en programas de mobilidade europeos totalmente subvencionados.

Fagamos un Val Miñor máis colaborativo e participativo!

Se queres participar cubre este formulario