Reportaxe sobre a Axenda 2030 en Galicia

Esta imaxe ten o atributo alt baleiro; o seu nome de arquivo é Axenda-2030-en-Galicia-1-1-1024x1024.png

O 25 de setembro de 2015, a Asemblea Xeral das Nacións Unidas aprobou a Axenda 2030 para o Desenvolvemento Sostible. Hoxe en día, un terzo do tempo de aplicación deste chamamento global xa pasou. Cal é a situación actual no territorio galego?

Para descubrilo, estamos realizando unha reportaxe para escoitar as persoas que traballan coa Axenda no seu día a día en Galicia.

Cales foron os logros acadados nestos 5 anos de Axenda 2030?

O obxectivo desta reportaxe é visibilizar as boas prácticas en materia de aplicación da Axenda 2030 por parte dos diferentes axentes da sociedade. Nesta primeira parte da reportaxe, falaremos coas deputacións pertencentes ás catro provincias galegas e, tamén, con aqueles concellos que están sendo pioneiros na aplicación dos ODS no territorio galego.

Mentras realizamos esta reportaxe, compartimos con vós a serie divulgativa “Axenda 2030 e ODS”, realizada pola cooperativa en colaboración coa Universidade de Vigo.

Axenda 2030

O 25 de setembro de 2015, a Asemblea Xeral das Nacións Unidas aprobou a Axenda 2030 para o Desenvolvemento Sostible. A Axenda propón 17 Obxectivos de Desenvolvemento Sostible (ODS) con 169 metas integrados e indivisibles que cobren os tres eixes da sostibilidade: o eixe económico, o social e o ambiental.

É  recoñecida como un plan de acción a favor das persoas, do planeta e da prosperidade, que tamén pretende reforzar a paz universal e o acceso á xustiza.

Implica un chamamento á acción global durante os vindeiros 15 anos (dende o 2015 ao 2030).  Ao adoptala, os Estados comprometéronse a mobilizar os medios necesarios para a súa aplicación. Polo tanto, esta folla de ruta global acolle un compromiso común, voluntario e universal no que cada país enfronta retos específicos na busca dun Desenvolvemento Sostible. Cada un deles establecerá os seus propios obxectivos nacionais, vinculados aos Obxectivos de Desenvolvemento Sostible (ODS).

Cal é a finalidade dos ODS?

Os 17 Obxectivos de Desenvolvemento Sostible  entraron en vigor oficialmente o 1 de xaneiro de 2016. Con estes obxectivos universalmente declarados, os países intensificarán os seus esforzos para acabar coa pobreza en todas as súas formas, reducir a desigualdade e loitar contra o cambio climático, garantindo, ao mesmo tempo, que ninguén se deixe atrás.

Os 17 ODS inclúen, entre outras cousas, a erradicación da fame e a seguridade alimentaria; garantir unha vida sa e unha educación de calidade; lograr a igualdade de xénero; garantir o acceso á auga e á enerxía; promover un crecemento económico sostible; adoptar medidas urxentes contra o cambio climático; promover a paz e facilitar o acceso á xustiza.

Os ODS como oportunidade de cambio

Os ODS elaboráronse durante máis de dous anos de consultas públicas, a interacción coa sociedade civil e as negociacións entre países . Aínda que os ODS non son xuridicamente vinculantes, espérase que os gobernos os adopten como propios e establezan marcos nacionais para alcanzar as metas propostas.  Os países teñen a responsabilidade primordial de supervisar e revisar os avances realizados no cumprimento dos ODS, para o que será necesario recoller datos de calidade, accesibles e oportunos. 

Axenda 2030 en Galicia

Hoxe en día, un terzo do tempo de aplicación dos ODS xa pasou. Cales foron os logros durante estos cinco anos de Axenda 2030 en Galicia?

Para descubrilo, estamos realizando unha reportaxe durante o mes de marzo 2021, para falar en primeira man coas persoas que traballan coa Axenda 2030 cada día.

Que institucións públicas traballan coa Axenda 2030? Que se está facendo a nivel municipal? Que empresas están contribuíndo aos ODS? Cales foron os logros acadados nestos 5 anos de Axenda 2030? Pronto compartiremos as respostas!

ODS EN ACCIÓN: EMPRESAS

Josefa de León, vocal no comité executivo do Pacto Mundial en España, e Directora de Competitividade Estratéxica en Agroamb Prodalt SL, explícanos a contribución que pode chegar a facer o sector empresarial en términos de aplicación dos ODS.

ODS 1: FIN DA POBREZA

Ante unha situación de pobreza económica, a nosa sostibilidade persoal verase directamente condicionada. Porén, a pobreza non é únicamente a falta de ingresos. Inclúe tamén a fame e a malnutrición, o acceso limitado á educación e a servizos básicos, a discriminación e a exclusión social.

O Informe do PNUD do ano 2000 recoñece a pobreza como causa e consecuencia da vulneración dos dereitos humanos. Sen dereitos humanos non é posible falar de desenvolvemento humano sostible, e polo tanto, é importante destacar a súa presenza na Axenda 2030 e en cada un dos seus obxectivos.  Se queres coñecer máis datos e cifras sobre o contexto de este ODS, podes facelo nesta ligazón.

Para abordar o ODS 1 “FIN DA POBREZA”, suscítase que cada país adopte medidas para asegurar que as persoas en situación de pobreza e maior vulnerabilidade poidan participar, contribuír e beneficiarse do seu propio desenvolvemento, partindo da realidade nacional. Estas medidas están recollidas na resolución oficial da Axenda 2030: “Transformar o noso mundo: a Axenda 2030 para o Desenvolvemento Sostible”.

Porén, a continuación mostramos un resumo de 7 metas propostas para este ODS.