Primeiro ano de proxectos solidarios
Durante o ano 2024 dende a cooperativa SomosTerra comezamos a traballar con proxectos europeos a través de dous programas do Corpo Europeo da Solidaridade:
-O Voluntariado
-Os proxectos solidarios
Este primeiro ano axudamos a levar a cabo un proxecto de 5 mozas e mozos da comarca en Nigrán. este proxecto consistía na creación de unha horta ecolóxica con un grupo de persoas, tratando de fomentar a inclusión social e o traballo colaborativo entre varios colectivos. Durante o programa creamos, aprendimos, cultivamos , colleitamos e realizamos o mantemento dunha horta de forma ecolóxica e respectuosa co medioambiente, buscando a biodiversidade e a protección do solo.
Para aprender máis sobre a xestión de proxectos solidarios e compartir a nosa experiencia, unha das nosas persoas mozas fundadoras do proxecto asistiu durante 4 días de xuño a Helsinki (Finlandia) ao Congreo Meet-Up sobre Proxectos solidarios de toda Europa, onde coincidiu con máis de 60 persoas con outros tantos proxectos diferentes de todos os ámbitos pero que buscan o mesmo activar a mocidade para crear unha Europa máis verde, máis inclusiva e máis participativa. Desta experiencia traemos máis forzas, novas ideas e novos compañeiros e compañeiras cos que colaborar nun futuro.
Queres saber máis sobre os proxectos solidarios? Preme aquí.
