Oportunidades para a mocidade

Estás rematando os teus estudos da ESO, bacharelato, ciclos…. e non tes claro se queres continuar estudando, se queres poñerte a traballar, se queres ir a universidade, se vas a atopar algún traballo axeitado…?

Non te gusta o que estudas, non atopas traballo ou nada que encaixe contigo? Directamente estás perdid@ e non sabes que facer?

Hai numerosos proxectos europeos que poden axudarte a atopar o que te gusta, viaxar, coñecer xente e outros países, todo de balde.

Queres desfrutar dunha experiencia intercultural moi especial viaxando por países de toda Europa (e máis), todo completamente subvencionado e para todas as persoas?

Se tes entre 13 e 30 anos podes participar en moitas oportunidades europeas, abaixo podes ver os catro tipos de proxectos nos que podes participar simplemente por ter menos de 30 anos ou traballar coa mocidade.

Voluntariado

Intercambios xuvenís

Proxectos solidarios

Actividades de participación xuvenil

Actividades de voluntariado en diferentes países para mocidade entre 18 e 30 anos.

En equipo: de 2 semanas a 2 meses. Traballo en grupos de persoas (entre 5 e 40).
Individual: de 2 a 12 meses.
De axuda humanitaria: actividades de voluntariado en terceiros países (ata os 35 anos).

Son experiencias multiculturais, onde a mocidade (uns 20-30) de diferentes países convive e traballa en proxectos comúns.

Mozos e mozas entre 13 e 30 anos de diferentes países .

De corta duración entre 5 e 21 días.

Programa destinado a un grupo de persoas mozas (mínimo 5 entre 18 e 30 anos) para crear un proxecto que xere un cambio positivo na súa comunidade.

Axuda económica de 630 euros ao mes.

Proxectos de 3 a 24 meses que promovan e impulse a participación xuvenil na vida democrática. Adoita haber unha mobilidade duns 5-21 días noutro país.

Mocidade entre 13 e 30 anos.

Intercambios xuvenís

Os intercambios xuvenís reúnen á mocidade de diferentes países para convivir e traballar en proxectos comúns. Son experiencias multiculturales onde a mocidade pode participar en obradoiros, actividades, debates, xogos de rol etc. de diversas temáticas con outros mozos e mozas de diferentes países entre 5 e 21 días en programas subvencionados case completamente pola Unión Europea.

Trátase dunha estancia curta nun país para facer actividades sobre unha temática (medioambiente, mocidade, cultura, arte, etc.) no que convivir con outras persoas da túa idade doutros países. É algo parecido a un campamento no que pasas a maior parte do día con actividades dirixidas. É unha moi boa experiencia para coñecer xente e tomar contacto cos proxectos europeos. Ademais podes facer todos os que queiras ata que teñas 30 anos.

Se queres recibir información sobre oportunidades europeas de mobilidade (programas de voluntariado, intercambios etc.) e sobre proxectos para a mocidade, únete a nosa comunidade de WhatsApp premendo no botón verde!

Intercambio xuvenil en Nigrán

Do 7 ao 15 de agosto de 2026 organizamos un intercambio xuvenil en Nigrán con 25 persoas mozas de entre 18 e 30 anos de 5 países diferentes (España, Portugal, Italia, Hungría e Grecia).

O obxectivo principal do proxecto é analizar a xestión forestal e o sistema alimentario de cada rexión participante no proxecto, e, de Europa en xeral, para buscar solucións e alternativas máis respectuosas co medioambiente e as persoas. Ademais buscamos o achegamento da mocidade ao rural, para que busquen oportunidades de negocio, de emprendemento e así, loitar contra os problemas de despoboamento e falta de substitución xeracional en Europa.

Proxectos solidarios

Tes algunha idea para crear comunidade na túa localidade? Queres resolver algún problema na túa comarca? Estás cans@ de ver problemas e que non se promovan solucións? Pois se queres pasar á acción os proxectos solidarios poden ser do teu interese.

Os proxectos solidarios son un programa dentro do Corpo Europeo da Solidaridade para que un grupo de mozos e mozas dun lugar concreto creen un proxecto para lograr un cambio positivo na súa comunidade, para crear e xestionar o proxecto pódese solicitar unha axuda económica de 630 euros ao mes (podería ampliarse de especificar a necesidade). Os requisitos son:

Ter un grupo de mínimo 5 persoas entre 18 e 30 anos residentes nalgún país da Unión Europea.
Que o proxecto sirva para resolver algunha causa na comunidade
Ter unha duración entre 2 e 12 meses

Se queres saber máis ou precisas asesoramento, contacta con nós a través do correo electrónico ou do teléfono que aparecen abaixo.

Actividade de participación xuvenil: Youca: beyond capitalism

Youca: Beyond capitalism é un proxecto europeo para dar voz á mocidade de varios países do mundo e que propoña accións sobre temáticas que van máis aló do capitalismo.

Dende SomosTerra imos traballar durante 3 anos neste proxecto. Este primeiro ano imos falar sobre os incendios forestais.

En que consiste o proxecto?
En dar voz á mocidade e traballar con ela para tomar acción sobre a problemática dos incendios forestais en Galicia. Entre as tarefas que temos que facer:

Crear vídeos e contidos audiovisual para sensibilizar sobre os incendios.
Investigar sobre as causas e consecuencias dos incendios.
Atopar solución para os lumes.
Compartir o proxectos cos outros países do proxecto
Participar nun intercambio xuvenil totalmente subvencionado en Bélxica con 20 persoas mozas de Filipinas, Bélxica, Brasil e España onde vivir unha experiencia multicultural moi especial.

Requisitos:

Ter entre 15 e 20 anos (poderías ter ata 20 anos)
Participar en todo o programa (dende o 1 de abril ata o 30 de setembro con actividades semanais)
Viaxar a Bélxica e participar en todas as actividades do intercambio (dende o 30 de agosto ata o 20 de setembro)
O proxecto está totalmente subvencionado e non requerirá ningún pago por parte de ningunha das persoas participantes.

Voluntariado europeo: CES

Se tes entre 18 e 30 anos, resides preto de Nigrán e queres participar en programas do CES (Corpo Europeo da solidaridade) podemos asesorarte e actuar como entidade de envío para que poidas viaxar por Europa para colaborar en proxectos que cambian o mundo!

Contacta con nós a través do correo electrónico ou do teléfono que aparece abaixo.