fbpx

Aniversario da horta colaborativa de Nigrán

Aniversario da horta colaborativa de Nigrán

Esta semana tivemos a gran sorte de poder celebrar o primeiro aniversario da horta de colaborativa de Nigrán, xunto con todas as persoas voluntarias!

Familias e veciños, cós que nos xuntamos todos os mércores ás 17h para plantar, colleitar, coidar o compost, facer remedios naturais contra pragas, aprender a rexenerar o solo mediante asociacións e rotacións dos cultivos…e falar…falar moito e contarnos cousas…coñecernos e desfrutar xuntas do traballo en compañía.

Para este día tan especial , quixemos facer unha actividade diferente, usando os recursos que temos no parque de Vázquez Grela. Así que decidimos facer tinturas con flores e noces da nosa contorna.

Primeiro recollimos as noces , e quitámoslle a pel negra (cando están secas é negra , se non é verde) e as puxemos a cocer en auga 20 minutos ata obter a nogalina, un tinguidura marrón escuro bastante concentrado.  Tamén collimos flores de buganvilla e espinacas da horta para facer as cores rosa e verde.

Foi moi divertido, triturar flores e follas de espinaca para extraerlles a súa cor, pequenos e maiores pasámolo en grande triturando co picador de cebola.

Unha vez picada a materia prima, obtemos as cores botando unha pouquiña de auga quente. E escorregando ben.

Xa estamos listas para as nosas obras de Arte!!
Entre o grupo de voluntar@s da horta atopamos moito talento!

Logo rematamos a xornada desfrutando dos petiscos que nos trouxo o Concello de Nigrán.
Que rico todo!

Foi unha tarde moi bonita, compartindo a nosa ledicia de estar un ano xunt@s. Colaborando para dar a Nigrán espazos verdes, útiles, divertidos…e facer amizades inesquecibles! Para nós, está a ser unha experiencia única, nas que nos sentimos moi queridas e valoradas.

Parabéns, súper labreg@s!
Seguide así!!
A por outro ano máis con vós!

8
7

Primeira plantación na horta urbana

Querid@s Amig@s:

Escribimosvos este pequeno resumo para que non esquezades o que imos facendo… é moita información en pouco tempo. Antes de nada queriamos expresar o noso agradecemento polo sábado pasado, encantounos poñervos cara ás que puidéchedes vir, a vosa disposición para o traballo e a cooperación. Animounos moitísimo a vosa implicación e sei que este día non o esqueceremos Raquel e máis Eu. Foi moi emocionante!

De Verdade, Gracias.

Pois imos ó lío!

HEXÁGONO CENTRAL

Comezamos plantando no hexágono central unha azalea que ademais de atraer ós polinizadores dará sombra coas súas follas e flores a todas as aromáticas que plantamos ó seu carón. A idea principal é facer un reservorio de fauna útil e que comence así a vida na horta. Tamén poderemos colleitalas e desfrutalas.

As aromáticas que plantamos foron:

  • Ourego: é de ciclo corto, non está todo o ano pero si deixarémola ata o final para coller a semente.
  • Cebollino: Tamén de ciclo corto, colleremos a semente.
  • Ruda: Na horta úsase habitualmente para espantar as toupas, aínda que alguén do grupo sabe face o licor: encantaríanos aprender!
  • Tomiño: Dura todo ó ano, é un gran amigo dos polinizadores e fai moito arbusto así que poderemos colleitar bastante.
  • Romeu: é anual, medra tamen moito. Ademais de comela, podemos facer un extrato de romero que se usa para evitar a caída do pelo.
  • Albahaca: temos de tres tipos: morada e verde de folla grande e albahaca de folla fina. En principio as propiedades e o aroma son as mesmas nas tres. Son de ciclo corto, en inverno desaparecerán. Tamén colleremos a semente.
  • Perexil: é a máis coñecida pero tamén indispensable na cociña, así que nos pareceu boa idea incluíla.

CULTIVOS EN CADA BANCAL:

BANCAL 1

Patacas: é un cultivo menos glamuroso que os tomates e os pementos… pero tamén unha das bases da nosa alimentación en Galicia. É un tubérculo, é dicir, unha despensa de nutrintes para a planta. Para cultivala necesitamos un terreo aireado e pouco compacto e que a pataca teña “ollos” (raíces saíndo da pel) . Se a cortamos para aproveitar todos os ollos (pódese cortar en 2, en 3 ou incluso en 4 e seguirá dando patacas) hai que curar o corte con cinza para asegurarnos de que non pudra. No quere moito rego. Aguanta mellor a seca que os excesos de auga.

BANCAL 2

Tajetes: proceden da nosa colaboración co CEE Juan María. Alí facemos o vivieiro de plantel xunto cun grupo de traballo do centro para a horta urbana, aproveitando que teñen boas instalacións para facelo e necesitan traballar nelas. Escollimos plantar os tajetes sempre no medio dos cultivos porque teñen uns microorganismos nas raíces moi beneficiosos para á saude da horta en xeral.

Leitugas + Allos porros: é unha asociación de cultivos onde se aforra moito espazo xa que a leituga vai tardar pouco en medrar e é pouco esixente na súa alimentación… e o porro necesita máis nutrintes e máis tempo.

BANCAL 3

Acelga Vermella: é un cultivo rápido e pouco esixente, produce moito xa que unha vez que vas quitándolle as follas… volven a medrar ata que remata o ciclo e bota flor (grela). Nese momento recolleremos semente. A súa penca é vermella por unha polinización entre a remolacha e a Acelga verde.

Tajetes: polas mesmas características.

BANCAL 4

Amorodos: Plantámolas bastante xuntiñas para que unhas den sombra ás outras. Según vaia o crecemento valoraremos poñer unha estrutura sinxela de canas e palla para darlles algo máis de sombra.

Traducir »
Esta web utiliza cookies propias y de terceros para su correcto funcionamiento y para fines analíticos. Contiene enlaces a sitios web de terceros con políticas de privacidad ajenas que podrás aceptar o no cuando accedas a ellos. Al hacer clic en el botón Aceptar, acepta el uso de estas tecnologías y el procesamiento de tus datos para estos propósitos. Ver Política de cookies
Privacidad