O noso primeiro voluntariado europeo
O día 1 de outubro de 2024 comezou a nosa primeira experiencia acollendo e coordinando un programa de voluntariado europeo dentro do Copo Europeo da Solidaridade. Nesta primeira experiencia acompañáronnos Via e Alessandro, ela de Hungría e el de Italia estiveron traballando con nosco para facer posible o noso proxecto No Eido: un bosque para a veciñanza.
Durante as súas primeiras semanas estivemos falando de cambio climático, de soberanía alimentaria e das problemáticas que temos en Galicia cos incendios forestais e as especies invasoras. Así, puideron comprender porque creamos este proxecto e a importancia do seu traballo con nós. Todo isto, por suposto coa benvida do outono galego.
Continuamos o voluntariado cunha formación sobre horta ecolóxica e súa primeira construción dunha leira con pequenas madeiras nun cole da contorna. Máis esa non foi a única construcción que fixemos, tamén creamos o noso baño seco, para poder utilizalo no noso bosque, aínda que, a porta deste está agardando á chegada das novas voluntarias para ser colocada. Durante unhas semanas máis continuamos coa construción desta vez, da horta da nosa finca, na que probamos diferentes técnicas, formas e materiais. Máis aínda nos faltaba algo máis para poder rematar as nosas tarefas coa madeira, en novembro contruímos a nosa caseta para gardar as ferramentas e protexelas da choiva.
Non todo ía a ser construción, tocaba coller o sacho, preparar a terra e, por suposto, comezar coas primeiras plantacións.
Máis lembramos con gran alegría a inauguración do noso bosque coa plantación de flores durante o mes de novembro e as dúas plantacións de froiteiras nos meses de febreiro e marzo onde asistiron máis de 50 persoas a colaborar co noso bosque e continuar fomentado unha xestión forestal alternativa e un sitema alimentario diferente e respectuoso co medioambiente e as persoas.
Os traballos no bosque son ilimitados, máis moitos dos nosos esforzos estiveron adicados a mellorar a calidade do solo e a redireción da auga. Para o primeiro preparamos principalmente dous remedios naturais: o bockashi e un biofertilizante feito con purín. Este último foi ingrediente principal de bastantes días do voluntariado na finca, sendo un gran aporte de materia orgánica para o noso solo empobrecido polo crecemento dos eucaliptos.
Outra das nosas tarefas máis usuais foi a redirección da auga, para esta, tiñamos que utilizar un agronivel, calcular a pendente e sachar, sachar moito, moi profundo e sacando moitas pedras.
Non vos preocupedes non todos os días foron de esterco e sacho, tamén participamos noutras actividades de volutnariado, quitando especies invasoras, reforestando o bosque queimado e traballando na horta do centro Juan María.
Agora o voluntariado de Via e Alessandro rematou, foi unha primeira experiencia preciosa e sentou as bases para continuar construíndo o bosque da veciñanza. Agora tócalle ás novas voluntarias.
