CAMPAMENTO DE VERÁN EN PANXÓN!

Os nenos e nenas de Nigrán poderán desfrutar este verán da natureza da contorna con teatro e cultura. Decidimos unir forzas con Teatro do Ar para sacar adiante un campamento que durante xullo e agosto encherá o CPI Arquitecto Palacios de Panxón de actividades para que os pequenos e pequenas aprendan a desfrutar e a coidar do noso patrimonio natural e tamén cultural.

Neste campamento queremos achegar aos pequenos e pequenas á natureza e a arte a través de actividades de horta,colleitas, excursión e obradoiros e xogos teatrais cun equipo formado por biólogas, educadoras ambientais e actrices para que os nenos e nenas aprendan e desfruten ao máximo do seu verán en Panxón”.

Entre as actividades que se programarán semanalmente hai, entre outras, obradoiros que promoven o coidado do medioambiente, excursións para coñecer a natureza da comarca, obradoiros de cultivo na horta ecolóxica do colexio para aprender sobre sostibilidade e dieta saudable, clases de teatro como ferramenta para a promoción de valores e deportes. As inscricións ao campamento xa están abertas e os prezos van de 200 euros o mes enteiro, 150 euros a quincena, 80 euros a semana e 15 euros días soltos.

Tanto Somos Terra como Teatro do Ar temos ampla experiencia no traballo en valores cos nenos e nenas. Contamos con experiencia en animación infantil e familiar enfocada á educación para a sostibilidade en diferentes centros educativos e concellos, a través de programas educativos e obradoiros presenciais e dixitais. Por outra banda, Teatro do Ar tamén conta cunha dilatada experiencia no traballo con menores a través do teatro tanto en actuacións como na Escola de Teatro de Nigrán.

Podes consultar toda a información neste enlace

Ecofeminismo?

O  ecofeminismo é unha filosofía e unha práctica feminista que nace da proximidade das mulleres e natureza. Tamén da convicción de que o noso sistema “constituíuse, construíuse e mantense por medio da subordinación das mulleres, da colonización dos pobos ‘estranxeiros’ e da natureza“. 

Esta perspectiva encárgase de cuestionar aspectos básicos polos que se rexe a nosa sociedade. Así, o  ecofeminismo considera que o capitalismo e o  patriarcado oprimen tanto ás mulleres como á natureza.

As orixes

A vinculación teórica entre ecoloxismo e feminismo sitúase nos anos 70. É na publicación do libro Feminismo ou a morte de  Françoise D’ Eaubourne onde aparece o termo por primeira vez.

Francoise d’Eaubonne, una valiente pionera del ...
https://endemico.org/francoise-d%E2%80%99eaubonne-una-valiente-pionera-del-ecofeminismo/

Durante a mesma década teñen lugar algunhas manifestacións de mulleres en defensa da vida. Un dos máis emblemáticos foi o movemento  Chipko. Nel, un grupo de mulleres abrazáronse ás árbores dos bosques de  Garhwal nos Himalayas indios. Así conseguiron defendelos das prácticas forestais dunha empresa privada.

ALTERNATIVA/SULLE ORME DI GANDHI: IL MOVIMENTO CHIPKO E LA ...
http://alternativasulleormedigandhi.blogspot.com/2015/04/il-movimento-chipko-e-la-deforestazione.html

Así, as primeiras  ecofeministas denunciaron os efectos da  tecnociencia na saúde das mulleres. Tamén se enfrontaron ao militarismo, a  nuclearización e a dexeneración ambiental. Interpretaban estes feitos como manifestacións dunha cultura sexista. Unha das figuras que representan este movemento é Petra Kelly.

Petra Kelly(1947-1992) Lutava contra todo o tipo de ...
https://www.pinterest.es/pin/505106914430312552/

Tamén se dan outros  ecofeminismos que consideran a división sexual do traballo e a distribución do poder e a propiedade, que someteu ás mulleres e ao medio natural do que todas formamos parte.

Ecofeminismo ou  ecofeminismos

Podemos dicir entón que o  ecofeminismo constitúese coma unha corrente de pensamento e un movemento social que explora os encontros e sinerxias entre o ecoloxismo e o feminismo. Segundo  Yayo Herrero, esta disciplina céntrase en abordar a problemática das relacións entre as persoas e a natureza desde visións moi diferentes. É por iso que podería falarse de  ecofeminismos, en plural.

Aínda sendo varios, todos os  ecofeminismos desenvolven unha crítica ao modelo social e económico actual. Todos propoñen unha realidade distinta. A idea dos  ecofeminismos é visibilizar os elementos, prácticas e suxeitos que foron designados polo pensamento hexemónico como “inferiores”.

Así, o  ecofeminismo deixa claro que é necesario un cambio cultural pronto. Desde esta perspectiva, temos a responsabilidade de cambiar o rumbo do mundo cara a un mundo social e ecoloxicamente sostible.

Dende SomosTerra traballamos con esta perspectiva ecofeminisma, entendendo que as persoas e a natureza somos unha mesma. Cando defendemos a vida das mulleres DEFENDEMOS TAMÉN VIDA EN TODAS AS SÚAS FORMAS!