fbpx

Mes da natureza

Este mes de Marzo, Xunto a Teatro de Ar e o concello de Nigrán, levamos a cabo O Mes Da Natureza.

Quixemos imaxinar o Nigrán do futuro, cun mes cheo de actividades con natureza e cultura.

Comezamos o mes, con 10 obradoiros gratuítos de horta e teatro, e 7 obradoiros dirixidos ós colexios públicos onde pasámolo xenial aprendendo coa rapazada a coidar a nosa contorna .

As actividades que máis gustaron foron as rutas teatralizadas, en Camos e Chandebrito, onde acudiron mais de 100 persoas e as actrices e actores de teatro do Ar nos fixeron desfrutar coas súas historias mentres camiñábamos.

Foto da visita ao sendeiro dos Matos na parroquia de Camos

Outro éxito foi o certame vídeo-literario “ollo con Nigrán”. Onde se presentaron 30 vídeos de como máximo 120 segundos que relataban un conto mentres filmaban as impresionantes paisaxes que temos en Nigrán.

As Gañadoras tiveron como premio un total de 1000 euros para gastar no comercio local.
A entrega de premios tivo lugar no Auditorio do concello cunha gala do máis divertido, presentada polo noso Amigo “trompeta” de Teatro de Ar.

Foto de todas as persoas premiadas no Certame: Ollo con Nigrán

No transcurso do mes, nas hortas urbanas tivemos actividades especiais, obradoiros de horta e tamén de teatro abertos para todo Nigrán.
Foi unha mestura moi divertida, para chegar a máis xente co noso traballo.

Non puidemos rematar as actividades do mes sen ter unha reflexión sobre a economía sostible de Nigrán.

Nunha mesa redonda reunimos a 4 dos proxectos máis sostibles de Nigrán, e charlamos nun coloquio aberto, sobre as seus logros no mercado e tamén as súas necesidades. Encantounos a súa presencia, positividade e sinceridade.

Os proxectos invitados foron :
Ertha Surfboards– Ettore, explicounos o contaminante que é o surf e como as súas táboas non deixan residuos nin dende a súa fabricación.
Calabizo– Co seu chourizo vexetariano feito de cabaza local, Edurne contounos sobre os problemas que tiñan para conseguir materias primas e a boa acollida que tiña no mercado.
Lámparas de cartón– Javier, que agora mesmo encontrase inactivo tras a pandemia, collendo forzas para retornar á venda das súa preciosas lámpadas sostibles.
Trisk-Ale: A cervexa artesá mais famosa no Val Miñor. Andrés, explicounos o novo proxecto que teñen entre mans, de facer cervexa co pan que sobra das panaderías locais. Unha sinerxía moi especial, para a concienciarnos da cantidade de pan que se tira cada día.

Mesa redonda das xornadas de natureza

E Así, con esta mesa redonda e este coloquio tan interesante , dimos paso a Alexandre Pereira, que nos falou do seu proxecto BNomad. “Restauración de ecosistemas en climas desérticos”.

Unha espectacular rexeneración nas portas do Sáhara pero tamén en zonas españolas como Alicante o Cádiz , moi afectadas pola desertización.

Charla de restauración dos ecosistemas desérticos de Alexandre Pereira nas xornadas de natureza.

Foi un mes marabilloso, de moito traballo , onde comprobamos o gran interese da xente nas actividades que propoñíamos.

O último evento do Mes foi o estreo da obra “Chao” Por Teatro do Ar, un cheo absoluto do auditorio do concello. Falaba dos desexos da volta ó rural dun mozo galego en contra da opinión da súa moza que pretendía vivir nunha gran cidade fóra de Galicia.

E así , natureza e cultura mesturáronse durante todo o mes en todos os recunchos de Nigrán.

Haberá outro, sen dúbida! Este non chegou!

Horta urbana en Nigrán!

Como sabedes, a sede principal da cooperativa está en Nigrán, onde levamos a cabo a maior parte das nosas actividades. Este último ano, o programa educativo Agroecoloxía na Escola está sendo o noso programa estrela. A raíz do interés por parte das familias, colaboramos co concello de Nigrán para facer realidade un soño compartido: a primeira horta urbana de Nigrán.

Esta horta está ubicada no teito verde do aparcamento da Ramallosa. Comezaremos coas actividades o vindeiro sábado 23 de abril onde xa están dispostos 13 bancais inspirados na xeometría das colmeas de abeellas. Todas as persoas interesadas en participar deben inscribirse previamente a través do formulario online ou presencialmente no aparcamento municipal da Ramallosa. O prazo para participar estará sempre aberto e o único requirimento é estar empadroado en Nigrán e cumprir as pautas de funcionamento.


A principal característica desta horta é que será un espazo adicado á formación e a colaboración entre as persoas usuarias, é dicir, as persoas participantes realizaremos os traballos polo ben común e non en parcelas de uso individual, distribuíndose a posteriori a colleita de maneira equitativa entre os participantes. Para iso, Diana, Eva e Raquel, técnicas de SomosTerra, estableceremos un calendario de tarefas que todas as persoas deberán seguir e, en caso de acudir a facelo, deberán sinalalo nun taboleiro situado no propia horto co fin de estar todos coordinados. Cada mes estableceremos uns criterios de plantacións idóneas á estación e asociacións e intolerancias entre plantas, faremos tamén un diario de campo e estaremos abertas a recibir propostas alternativas por parte das persoas inscritas.

De feito, todos os sábados de 12:00 a 13:30 horas impartiremos obradoiros gratuítos, comezando o día 23 de abril cunha sesión dedicada ás plantas aromáticas e continuando nas posteriores con asuntos como compostaxe e vermicompostaxe, hortos verticais, plantas medicinais, control biolóxico de pragas, recollida de auga… A maiores, os mércores (de 17:00 a 18:30 horas) estarán as técnicas presentes na horta para resolver presencialmente dúbidas, asesorar e colaborar.

Queremos que este sexa un espazo de convivencia e de encontro entre a veciñanza, por iso promoveremos tamén o intercambio de sementes e a creación dun banco que recompile as variedades locais”. Deste xeito, esta zona verde da Praza Carlos Casares, que non se empregaba para nada e pasaba totalmente desapercibida, transfórmase nun punto de encontro no que aprender, compartir, cultivar e desfrutar.

Traducir »
Esta web utiliza cookies propias y de terceros para su correcto funcionamiento y para fines analíticos. Contiene enlaces a sitios web de terceros con políticas de privacidad ajenas que podrás aceptar o no cuando accedas a ellos. Al hacer clic en el botón Aceptar, acepta el uso de estas tecnologías y el procesamiento de tus datos para estos propósitos. Ver Política de cookies
Privacidad