Inaguramos o Club de Lectura rendindo homenaxe a Edward O. Wilson

Levamos tempo soñando con crear un Club de Lectura no que compartir as inquietudes que brotan cando aprendemos sobre sostibilidade. Este 2022 é o ano de comezar con este soño: hoxe inaguramos o Club de Lectura!

Facémolo rendindo homenaxe a Edward O. Wilson, escollendo como primeira lectura o libro “Medio Planeta”. Xa o coñecías? Moitas persoas consideran que é “o herdeiro natural de Darwin”. Faleceu fai poucos días, aos 92 anos. Foi biólogo especialista en formigas, chegando a converterse nun gran referente na defensa e conservación da Biodiversidade. A continuación compartimos unha serie de enlaces para que poidas coñecer mellor o seu legado:

Artigo en National Geographic:

https://www.nationalgeographic.es/historia/2021/12/eo-wilson-el-heredero-natural-de-darwin-muere-a-los-92-anos

Podcast:

https://www.ivoox.com/luciernaga-29-12-21-el-legado-edward-o-audios-mp3_rf_80267237_1.html?fbclid=IwAR0duyRX0BCEgr-jBI–8Pd8-2whCPe7t-NiJPJHualxxR0aNKJMt4gbtLo

Que che pareceu a iniciativa do Club de Lectura? Entráronche ganas de ler Medio Planeta? Podes consultar toda a información e incluso anotarte no seguinte botón:

Pola conservación da Biodiversidade!

Este ano queremos facer homenaxe á Sociedade Galega de Historia Natural pola súa contribución (dende o 1973) á conservación da biodiversidade en Galicia.

A definición máis estendida sobre a biodiversidade ofrécenola o Convenio sobre Diversidade Biolóxica de 1992. Biodiversidade é a variabilidade de organismos vivos de calquera fonte, incluídos, entre outros, os ecosistemas terrestres e mariños e outros sistemas acuáticos, e os complexos ecolóxicos dos que forman parte; comprende a diversidade dentro de cada especie, entre as especies e dos ecosistemas.

A biodiversidade abarca, polo tanto, a enorme variedade de formas mediante as que se organiza a vida. Inclúe todas e cada unha das especies que cohabitan connosco no planeta, sexan animais, plantas, virus ou bacterias, os espazos ou ecosistemas dos que forman parte e os xenes que compoñen a cada especie, e dentro delas a cada individuo, diferente do resto.

Diferéncianse tres niveles na biodiversidade:

Diversidad xenética: inclúe os compoñentes do código xenético de cada organismo e a variedade destes entre individuos dentro dunha poboación e entre poboacións dunha mesma especie.

Diversidad de especies: inclúe os seres vivos con características comúns. Ademais, abarca tamén outros grupos menores, como subespecies e, tamén, outros máis amplos que agrupan especies como xéneros ou familias.

A diversidad de espazos: inclúe os ecosistemas como núcleo central. Estes son conxuntos de plantas, hongos, animais, microorganismos e o medio físico que os rodea, interactuando como unha unidade funcional.

Cales son os beneficios de contar cunha biodiversidade rica?

(dende o punto de vista máis antropocéntrico)
Provenos de alimentos, medicamentos, materias primas/recursos e enerxía para asegurar a supervivencia de humanos, animais e plantas.

Garántenos servizos dos que non poderiamos prescindir: regulación da calidade do aire e do clima, a purificación das augas, o control da erosión e dos desastres naturais, e a polinización, entre outros.

Así que, canto máis rica é a biodiversidade, máis posibilidades de supervivencia temos todos os que vivimos no planeta.

Máis aló desta visión de supervivencia, a biodiversidade ten un valor incalculable, sendo un dos grandes tesouros que nos ofrece a vida neste planeta Terra. A continuación, deixámosvos unha lista de reprodución que creamos na canle de Youtube da cooperativa para desfrutar da Biodiversidade en Galicia: