Agroecoloxía na escola é un programa educativo que promove a creación e o coidado dunha horta escolar, convertíndose no eixo para implicar ao alumnado na agroecoloxía e na educación ambiental. Ofrecemos un plan de mantemento e revitalización da horta escolar, contando cun programa de acompañamento ao alumnado do centro educativo, no que realizamos actividades centradas na educación ambiental.

A horta do centro escolar partiría como eixo central para a aplicación da sostibilidade e a materialización das diferentes accións propostas (plantación, rego, compostaxe, colleita…), tratando dende varias  perspectivas (sociais, ambientais e económicas) a soberanía alimentaria, o cambio global,  o consumo e a produción local e responsable. O programa consta dun mantemento anual a cargo das socias da cooperativa durante os 12 meses do ano e dunha serie de obradoiros participativos e presenciais, específicos e adaptados a cada curso na horta escolar. 

Obxectivos xerais

• Poñer en valor o coidado do medio por parte do alumnado.

• Xerar unha rede de establecemento da Axenda 2030.

• Fomentar hábitos de alimentación saudables.

Obxectivos específicos

• Fomentar a responsabilidade, a paciencia e o traballo en equipo do alumnado.

• Promover a convivencia e o traballo conxunto para satisfacer un ben común.

• Fomentar o pensamento crítico e a creatividade.

• Coñecer os beneficios do autocultivo (calidade, produto local)

• Establecer rutinas de alimentación sa no alumnado.

• Promover os beneficios das hortas urbanas.

• Potenciar a sensibilización ambiental e consumo responsable.

• Familiarizar ao alumnado con termos como o cambio global, desenvolvemento sostible, servizos ecosistémicos e a Axenda 2030. 

• Capacitar ao alumnado para o coidado da horta.

• Promover espazos verdes e naturais no centro escolar.

Orzamento

 O programa pode financiarse cos Contratos-Programa da Xunta de Galicia.

Centros participantes

• EEI A Galiña Azul (Nigrán)

• EEI As Dunas (Nigrán)

• EEI O Areal (Baiona)

• CEIP Belesar (Baiona)

• CEIP Mallón (Nigrán)

• CEIP Carlos Casares (Nigrán)

• CEIP Da Cruz (Nigrán)

• CEIP Humberto Juanes (Nigrán)

• CPI Arquitecto Palacios (Nigrán)

• IES A Paralaia (Moaña)