Agroecoloxía na escola: Fin de Curso!
Chegamos ao final de curso en Agroecoloxía na escola…
Un ano máis, quedamos abraidas dos coñecementos e interese da cativada e rapazada.
Cultivos de Outono, inverno e Primavera, remedios naturais contra plagas habituais, identificación de todos os cultivos da nosa horta, e os seus coidados, asociación e rotacións de cultivos, abobo verde, compostaxe, identificación da vexetación silvestre, sementeiras… E o obxectivo final: recolección e gardado das sementes que aseguran a continuidade da horta os vindeiros anos.
O que máis nos gusta é cando queren probalo todo crú xa na horta , sen esperar a chegar a casa, a rúcula, canónigos, chícharos, fabas, cenorias…as aromáticas todas cantas hai, as comen : )
Despois de tres anos con este proxecto, estamos moi ledas cos resultados obtidos, vemos unha cativada entregada e moi participativa, atenta e con unha retención de coñecementos expostos nos obradoiros impresionantes.
Cómo trascurriu o curso?
Foi un curso duro para o traballo na horta. Moita choiva e trebóns que ralentizaron a colleita e a dinámica das actividades. Aínda así a horta sempre é agradecida e agasallounos con moitos mollos de verduriñas, leitugas boísimas, Acelgas, col Kale, cenorias, cebolas, repolos, alletes, patacas, e mooiitaass fabas!
Neste curso ademáis puidemos contar con novos coles que se uniron o proxecto dende Baiona e Gondormar…Cada Ano somos Máis!!
Moitísimas grazas por confiar en nós as vosas hortiñas!
A cada cole estamos indo unha vez ó mes, e estamos 50 minutos con cada clase. Todo o cole participa na horta, cada curso ao seu nivel, dende infantil ata 6º de primaria. Este seguemento é imprescindible para oragnizar a todo o alumnado dos centros, que tod@s traballen e que tod@s leven algo para casa ao menos unha vez en todo o curso (ás veces máis!)
A novidade de este ano foi abrir as composteiras despois de moito tempo botando alí o resto das merendas e restos de horta…por fin tivemos o premio! Terra boa que volve á horta, pechando así o ciclo dos residuos orgánicos producidos pola cativada.
Outra parte deste proxecto, é a colaboración co invernadoiro do Centro Juan María. Nel facemos co grupo do Ecotaller, os sementeiros que logo irán para as hortas dos coles. Unha vez ó mes, levamos as sementes obtidas nos coles para facer alí os planteis no seu invernadoiro. O Grupiño de traballo cóidaos moi ben, e así podemos plantantalos logo nas escolas .
Encántanos traballar con eles e logo sempre nos invitan a merendar!
E así, pechamos de novo outro curso, despedíndonos da cativada, mais só cun deica logo, xa que no outono voltamos con forza! Voltaremos a ver a esa rapazada que medra coma as verduras da horta!
