Pola conservación da Biodiversidade!

Este ano queremos facer homenaxe á Sociedade Galega de Historia Natural pola súa contribución (dende o 1973) á conservación da biodiversidade en Galicia.

A definición máis estendida sobre a biodiversidade ofrécenola o Convenio sobre Diversidade Biolóxica de 1992. Biodiversidade é a variabilidade de organismos vivos de calquera fonte, incluídos, entre outros, os ecosistemas terrestres e mariños e outros sistemas acuáticos, e os complexos ecolóxicos dos que forman parte; comprende a diversidade dentro de cada especie, entre as especies e dos ecosistemas.

A biodiversidade abarca, polo tanto, a enorme variedade de formas mediante as que se organiza a vida. Inclúe todas e cada unha das especies que cohabitan connosco no planeta, sexan animais, plantas, virus ou bacterias, os espazos ou ecosistemas dos que forman parte e os xenes que compoñen a cada especie, e dentro delas a cada individuo, diferente do resto.

Diferéncianse tres niveles na biodiversidade:

Diversidad xenética: inclúe os compoñentes do código xenético de cada organismo e a variedade destes entre individuos dentro dunha poboación e entre poboacións dunha mesma especie.

Diversidad de especies: inclúe os seres vivos con características comúns. Ademais, abarca tamén outros grupos menores, como subespecies e, tamén, outros máis amplos que agrupan especies como xéneros ou familias.

A diversidad de espazos: inclúe os ecosistemas como núcleo central. Estes son conxuntos de plantas, hongos, animais, microorganismos e o medio físico que os rodea, interactuando como unha unidade funcional.

Cales son os beneficios de contar cunha biodiversidade rica?

(dende o punto de vista máis antropocéntrico)
Provenos de alimentos, medicamentos, materias primas/recursos e enerxía para asegurar a supervivencia de humanos, animais e plantas.

Garántenos servizos dos que non poderiamos prescindir: regulación da calidade do aire e do clima, a purificación das augas, o control da erosión e dos desastres naturais, e a polinización, entre outros.

Así que, canto máis rica é a biodiversidade, máis posibilidades de supervivencia temos todos os que vivimos no planeta.

Máis aló desta visión de supervivencia, a biodiversidade ten un valor incalculable, sendo un dos grandes tesouros que nos ofrece a vida neste planeta Terra. A continuación, deixámosvos unha lista de reprodución que creamos na canle de Youtube da cooperativa para desfrutar da Biodiversidade en Galicia:

Campamento Agroecoloxía no CEIP de Mallón

Continuando co proxecto Agroecoloxía na Escola no CEIP de Mallón (Nigrán), en colaboración co equipo de Donde viven los cuentos, presentamos un campamento no que traballaremos a horta, faremos obradoiros de cociña saudable, teremos instalacións de arte, excursións para coñecer a contorna natural, deportes acuáticos (piragüismo, vela, bautizo de mar, etc.), herpetoloxía e máis sopresas!

As actividades terán lugar nun entorno bilingüe para que as nenas e nenos de entre 3 a 12 anos practiquen inglés durante o verán, de forma divertida! Para máis información, contacto en campamentomallon@gmail.com ou nos teléfonos 677 02 33 17 // 722 70 43 90

Reportaxe sobre a Axenda 2030 en Galicia

Esta imaxe ten o atributo alt baleiro; o seu nome de arquivo é Axenda-2030-en-Galicia-1-1-1024x1024.png

O 25 de setembro de 2015, a Asemblea Xeral das Nacións Unidas aprobou a Axenda 2030 para o Desenvolvemento Sostible. Hoxe en día, un terzo do tempo de aplicación deste chamamento global xa pasou. Cal é a situación actual no territorio galego?

Para descubrilo, estamos realizando unha reportaxe para escoitar as persoas que traballan coa Axenda no seu día a día en Galicia.

Cales foron os logros acadados nestos 5 anos de Axenda 2030?

O obxectivo desta reportaxe é visibilizar as boas prácticas en materia de aplicación da Axenda 2030 por parte dos diferentes axentes da sociedade. Nesta primeira parte da reportaxe, falaremos coas deputacións pertencentes ás catro provincias galegas e, tamén, con aqueles concellos que están sendo pioneiros na aplicación dos ODS no territorio galego.

Mentras realizamos esta reportaxe, compartimos con vós a serie divulgativa “Axenda 2030 e ODS”, realizada pola cooperativa en colaboración coa Universidade de Vigo.

Comezamos coa II Edición do Programa de Voluntariado “Axenda 2030 Axentes do Cambio” na Universidade de Vigo

Esta semana comezamos a II Edición do Programa de Voluntariado Axenda 2030 Axentes do cambio, en colaboración coa Universidade de Vigo. Este ano, co mesmo obxectivo, pero incorporando a modalidade dixital.

Durante a I Edición deste programa, as actividades foron realizadas de xeito presencial. As persoas participantes deron a coñecer nos seus respectivos campus aAxenda 2030: a folla de ruta asinada polos países membros da ONU para facer fronte aos retos  sociais, económicos e ambientais da globalización, poñendo no centro as persoas, o planeta, a prosperidade e a paz. Consistiu nunha campaña de sensibilización que comprendía postos informativos, actividades divulgativas, retos e obradoiros.

Este ano, os axentes do cambio son persoas soñadoras, comprometidas e conscientes de que a forma na que vivimos está mudando xa e que ante o paradigma global, a Axenda 2030 é unha folla de ruta para accionar o cambio.

Hoxe celebramos a primeira reunión oficial. Nas próximas semanas seguiremos informando!

#AxentesdoCambioEnAcción

Programa Agroecoloxía na Escola

 Xa deu comezo o Programa “Agroecoloxía na Escola” no CEIP Mallón. 

Antes do Nadal, o alumnado participou no primeiro Obradoiro “Introdución á horta”. Agora, a horta xa é unha realidade, con seis bancais preparados para seguir aprendendo.

Con este programa educativo poñemos en práctica metodoloxías participativas (aprender-facendo e aprendizaxe baseado en historias) que capacitan o alumnado para o coidado da horta. 

As actividades desenvolveranse principalmente ao aire libre, evitando desprazamentos e os lugares pechados e pouco ventilados.

 

Impactos positivos do programa:

    • Creación de áreas verdes no centro educativo, evitando o crecemento de especies invasoras, favorecendo a biodiversidade, mantendo a estrutura do solo e facilitando a polinización. 
    • Acceso a cultivos sanos e frescos que mellorarán os hábitos alimenticios do alumnado. 
    • Coñecemento cultural sobre a agricultura e o cultivo tradicional de Galicia (refráns, sementes autóctonas, cantigas, tradicións populares…)
    • Fonte de educación ambiental para comprender a relación das persoas, o medio e os demáis seres vivos. 
    • Actividades totalmente prácticas e manipulativas que fomentan o traballo autónomo, o pensamento crítico e a creatividade. 
    • Aumento da curiosidade pola ciencia e agroecoloxía, mostrando a relación que gardan coa vida cotiá para perder o medo aos estudos sobre ciencia.
    • Posta en práctica da sensibilización ambiental, a soberanía alimentaria e o consumo responsable para promover o desenvolvemento sostible. 
    • Fomento do interese pola experimentación,  buscando que o alumnado aprenda a razoar, a crear hipóteses e a verificalas mostrando as interrelacións dos seres vivos e o medio (beneficios dos insectos para o cultivo, a importancia da estrutura do solo, a relación do clima e horta..).
    • Contribución directa coa meta 4.7 do ODS 4 Educación de calidade.

Que máis estaremos tramando co alumnado?

    • Coidado da horta,  sementeira e colleita dos cultivos durante todo o ano. 
    • Actividades complementarias de horta: tratamentos biolóxicos, fertilización orgánica e consevación dos excedente da horta (embotados, marmeladas e fermentos) 
    • Tratamento de residuos (compostaxe e economía circular) 
    • Identificación e beneficios da fauna e flora local (usos tradicionais das plantas aromáticas e medicinais, elaboración dun herbario…) 
    • Diagnóstico da pegada ecolóxica do centro educativo (pegada de carbono, hídrica…)

Por un 2021 consciente e sostible

Iniciativa CooperAcción 2021

“Acción colectiva para vivir de xeito sostible”

A cooperación pode definirse como o conxunto de accións e esforzos que, xunto con outra ou outras persoas, levamos a cabo para acadar un obxectivo común. A palabra, como tal, provén do latín cooperatĭo, cooperatiōnis.

Neste sentido, a cooperación é o resultado dunha estratexia de traballo conxunta que aplica unha serie de métodos para facilitar a consecución do obxectivo común, tales como o traballo en equipo, accións coordinadas, etc.

Así, a cooperación é esencial para a vida en sociedade, porque é un xeito mellor e máis eficiente de xestionar asuntos baseados no interese colectivo.

No campo ecolóxico e noutras ciencias naturais, como a bioloxía, a cooperación coñécese como a relación de colaboración que se establece dentro dunha poboación de individuos da mesma especie para acadar obxectivos comúns, xeralmente ligados á protección contra ameazas externas.

Tendo como raíz este significado, dende a cooperativa SomosTerra demos en empregar o termo “CooperAcción”, indo un pouco máis aló para concretar a “acción colectiva para vivir de xeito sostible”.

 

Con esta idea, lanzamos diferentes convocatorias abertas á cidadanía. A primeira delas, o Calendario CooperAcción 2021, no que máis de 23 propostas artísticas como fotografía, debuxos, relatos curtos e poesía dan forma a este calendario, alimentando un 2021 no que a sostibilidade, en todos os seus ámbitos, é por fin a protagonista. 

Preme na imaxe para máis información

Actualmente, grazas á colaboración da cidadanía, estamos mapeando os casos de acción a favor da sostibilidade no territorio galego, pois para motivar a xente e cocrear un 2021 consciente e sostible, non hai nada mellor que visibilizar as iniciativas e ás persoas que xa están dando exemplo! Podes realizar a túa achega na canle de comunicación da iniciativa:

Por último e para despedirnos, queremos convidarte á Xuntanza dixital que temos programada para este 29 de xaneiro ás 19:00h, na que estaremos celebrando a 1º Festa da CooperAcción, xunto coas persoas artistas que participaron na creación do calendario, así como compartindo unha serie de sorpresas que nos teñen emocionadas. 

Se queres participar, podes inscribirte no seguinte enlace: